استفسارات ومعلومات الطلاب عن التدريب الصيفى

السلام عليكم

بصوا يا جماعة مش هطول واتكلم كتير انا عاملة التوبك ده عشان اللى نزل تدريب قبل كده يدخل ويقولنا ايه النظام وازاى اقدم على تدريب وامتى وكل حاجة يعنى نفيد بعضنا لانى عرفت موضوع التدريب ده متاخر كده وبالصدفة وناس كتير ما تعرفش حاجة عنه فاياريت اللى نزل او يعرف اى معلومة يقولها وشكرا وجزاكم الله خيرأ

بجد فكره حلوه قوى يا هبه علشان فى ناس كتير مش بتعرف حاجه عن موضوع التدريب غير متاخر قوى وقى ناس بتتخرج
وتتصدم لما يتسالو فى الانترفيو عن التدريب
ويلاقو انهم مش نزلو تدريب وانو كان هينفعهم كتير

انا كنت نازل تدريب فى شركة بترول فى الصيف دا
انتى بتروحى شؤون الطلبه تقوليلهم عاوزه استمارة تدريب وتقوليلهم اسم المكان اللى هتتدربى فيه سواء شركه او بنك
بس الشركات هيبقى صعب شويه موضوع التدريب فيها علشان مش بيقبلو غير قرايب الناس اللى شغاله فى الشركه بس
يعنى لازم يكون ليكى حد فيها
انما البنوك عادى انتى بتروحى تسالى فى البنك على التدريب وتساليهم تجيبى الورق امتا وبتروحى تقدمى ورقك عادى وتروحى قبل الامتحانت ما تبدا باسبوعين على الااقل علشان بيبقى فى عدد محدد طالبينو
بس بصراحه الواحد بيستفاد جدا وبيعرف ان اللى بيدرسو دا ولا لسه اى لازمه فى الحياه واما يشتغل لسه هيتعلم الشغل من الاول
ودا المكان الوحيد اللى خلانى اندم انى مش دخلت تجاره انجليش انا كنت هادخلها مستريح كنت جايب 46 فى الانجليش
بس النصيب بقى