نتيجة الشهاده الابتدائية 2012******صور مطابخ 2012*نتيجة الشهادة الاعدادية


*نتيجة الشهادة الاعدادية 2012


مذكرات ونصائح مدير منتدى ( بالله عليكم تقرأوا الموضوع)


السلام عليكم ورحمة الله وبركاته


يمكن تكونوا مستغربين من أسم اليوزر بتاعي بس هتعرفوا السبب على مدار الموضوع
وهتعرفوا أن عندي حق في التسمية دي ولا لأ

أنا أسمي الحقيقي هشام كنت مدير منتدى طلابي زي منتداكم ده
ومفيش داعي لأني أذكر أنه كان تابع لأنهي جامعة يمكن يكون حد منكم عارفوا بس هو على العموم أنا خلاص قفلتوا
بعد ما وصل عدد الأعضاء عندي لأكتر من 14 ألف عضو وفتحته لأكتر من سنتين ونص

أتعلمت في الفترة دي حاجات كتير وشوفت أصناف ناس كتير يؤسفني أني أقول الغالبية العظمى منهم ميستاهلوش أنهم يطلق عليهم كلمة إنسان

على فكرة أنا اللي شجعني أني أكتب الموضوع ده في المنتدى ده ومش في أي منتدى تاني أني قرأت مجموعة من المواضيع
اللي الإدارة هنا كتباها وأخرها موضوع قرأته النهاردة أسمه (أنا وحلوان وزفت) أنا أستغربت من الأسم وكمان لقيته في قسم القرارات الأدارية
قرأت الموضوع اللي العضو كاتبة وقرأت رد المراقب العام عليه ووالله أستعجبت قولت يعني هما متضايقين من الكلام اللي بيتكتب في المواضيع طب مهو في مليون وسيله
كنت هبعت له رساله خاصة ملقتش رسائل خاصة قولت طب كويس أهو في وسيله من اللي خلتني قفلت المنتدى مش عندهم
جيت أدخل البروفايل أجيب أميلة بردوا معرفتش مش لاقي أي وسيله تواصل خالص
قولت والله ناس جدعان أوي أتمنى أنكوا تكونوا كده بجد وبتعملوا ده علشان ترضوا ربنا بجد مش علشلن حاجة تانية

أقولكم أنا بقى شوفت أيه في المنتدى بتاعي

*شوفت شباب همها كله أنها تجيب أميل بنت وتقعد تكلهما كلام حلو وفي الأخر يوقع البنت فيه ويقولها نتقابل وهي تصدق وتروح جري
*شوفت بنات بتتراهن على ولد لو هو محترم أنهم هيخلوه على خير ذلك بأي طريقة ممكنه
* شوفت إزاي ممكن بنت مستجدة ينضحك عليها من بنت زيها نِفسها تشوف أيه اللي هيحصل لها وتعمل نفسها بتنصحها وهي في الحقيقة محافظة على نفسها بس عاوزة تعيش تجربتها فيها
* شوفت ناس ماهره جداً في التمثيل يتكلم بأسم الدين وتشوفة تقول ده أنا لو روحت صلاه الجمعة هلاقيه واقف بيخطب وتيجي تدور وراه تلاقيه صايع وحافظ له كلمتين
* شوفت بنت بكل أسف بكل أسف بجد داخلة بيوزر متستحقش أنه يتقال عليها يوزر إسلامي ولما تيجي تبحث وراها مش عاوز أقول تلاقوها مشتركة فأيه
* شوفت ناس قليلين جداً جداً تقدر تعدهم على أديك تقول أن الشخص ده محترم ووفي و(ممكن) تثق فيه ومن العينه دول اللي مطلعش أهل للثقة دي وياريت الباقي ميكنوش زيهم


نصايحي اللي هقولهالكوا وأتمنى أكبر عدد ممكن يستفيد بيها
هقسمها لعده فئات

أولا الأدارة

أنا كنت عندي شات في منتداي وكنت فاتح الرسائل الخاصة وكنت فاتح البروفايلات وكنت سايب أي وسيلة ممكن أي حد يتعرف بيها على أي حد والأعضاء كانت بايته في المنتدى ومبسوطين وأخر تمام
بعدين كترت المراسلات ليا بنات بتشتكي بس بعد أيه ؟ مكنتش أقدر أعملهم حاجة قفلت الشات منفعش الكلام قفلت الرسائل الخاصة منفعش قفلت البروفايلات الناس زعلت وأبتدت ردود المنتدى تتملي مخالفات مقدرتش قفلت كل ده أبتغاء مرضاه وجه الله

رسالتي ليكوا أنتوا بجد طلعتوا أحسن مني أنا شايف أنكوا قدرتوا تخلوا المنتدى ياخد الشكل اللي أنتوا عاوزينه لأنكم أبتديتوا من غير الحاجات دي بس بردوا انا تجولت في المنتدى وشوفت أن في حاجات مش تمام بس لما لقيت المواضيع الجديدة اللي في القرارات الإدارية حسيت أنكوا عاوزين تلحقوا المنتدى . كملوا وأتأكدوا أن ربنا معاكوا طول ما أنتوا ماشيين على الحق

ثانيا الإشراف

أتقوا الله في الأمانه المسندوه إليكم . متمشوش ورا الشيطان والله هتخسروا لازم تساعدوا الأدارة اللي أختارتكوا وأمنتكوا الأمانه دي


ثالثا الأعضاء

ودول هقسمهم لمجموعتين

المجموعة الأولى : الشباب : بالله عليك تتخيل اللي أنت بتضحك عليها دي أختك لو هتقول مش عندي أخت هقولك تخيلها بنتك والله هتتوجع أوي وصدقني مفيش حاجة بتعملها إلا وهتقعد لك حتى لو عرفت تضحك عليها بمزاجها
أستثمر لسانك وموهبتك اللي بتعرف تقول بيها الكلام الجميل ده في حاجة ترضي بيها ربنا

المجموعة التانية : البنات : أوعي تثقي في أي كلمة واحد بيقولهالك أنتي مش شايفاه . قالك أنا بحبك قولي له أنت كداب أنت شوفتني فين هيقولك مش لازم أشوفك بس أنا حاسس ومش حاسس صدقيني بيضحك عليكي . جربي كده لو أنتي وقابلية صدقيني لو مطلعتيش زي ما هو راسمك في خيالوا هيعمل واحد تاني ويخلع
اللي بيدور على واحدة على النت ده زي الصياد بيرمي السنارة وكل واحد ونوع الطعم بتاعة حدف طعم كبير (يعني لو الواد فنان ) هيوصلك بسرعة حدف طعم صغير (ده صايع ناشئ) هياخد وقت على ما يوصل بس في الأخر الغالبية بيحاول يوصل وكل اللي بيوصل مش بيوصل لمهارة منه لأ لخيبة منك وضعف منك
كلمتي ليكي أتقي الله
ووالله الكلمة دي كبيرة أوي ( أتقي الله )
وخلي بالك في معظم الأحيان مبيضيعش البنت غير البنت اللي زيها لما تملأ دماغها بكلام فارغ متغطي بلاكم أحنا أخوات وأنتي حبيبتي وأنتي وأنتي

طبعاً كل اللي يقرأ الموضوع ده هيقول عليا عم الشيخ
بس لأ أنا لا شيخ ولا حاجة أنا شب عادي جداً وكمان مش ملتزم أوي وأنا في درجة من الدرجات اللي أكلمت عنها
أنا عمري ما قولت أسمي الحقيقي في المنتدى بتاعي أنا أشتركت في النفاق اللي كان بيحصل في المنتدى وأتمنى أنه ميكونش نفاق بجد بس كنت مضطر لما أبقى عارف أن الشخص ده بيحاول يقرب مني علشان مصلحة كنت بضحك في وشة وأنا عارف أنه كداب بس مكنتش أقدر أقولها له

أقسم لكم أني لو قولت لكل واحد في المنتدى أحلف أن كل كلمة كتبتها كان صح مش هيقدر يقسم
ولو أقسم يا ريت يراجع نفسه علشان هيلاقي أنه غلطان

متزعلوش مني بس هي دي الحقيقة

كل اللي أنا كتبته ده ميجيش واحد على ألف من اللي بيحصل بس أنا حبيت أوضح للناس قبل ما يضحك عليها أو يمكن واحد من اللي بيقدر ينافق يحس ويرجع عن اللي في دماغة . أتمنى أنكوا تكونوا فهمتوا الموضوع كويس

في النهاية عندي حق أقول (للأسف إنسان) ولا لأ لما تشوف كل ده بيحصل من الناس يبقى للأسف فعلاً أنك إنسان ياريتك تكون أي حاجة تانية

أعتزر لكم عن الأطاله ويارب أكون قدرت أوعي أي حد

أخوكم / هشام



اقتباس

ثانيا الإشراف

أتقوا الله في الأمانه المسندوه إليكم . متمشوش ورا الشيطان والله هتخسروا لازم تساعدوا الأدارة اللي أختارتكوا وأمنتكوا الأمانه دي
لو سمحت ملكش دعوه بأخويا
هههههههههههههههه
نورت المنتدى وعلى فكره المنتدى طول عمره كده وقوانينه كده مفيش مفيش مفيش تلاته مفيش
بس بصراحه مش عاجبني اسم اليوزر بتاعك
لأن ربنا قال فى كتابه العزيز بسم الله الرحمن الرحيم : وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً
صدق الله العظيم
طبعا هتقول عليا من الى عملين نفسهم شيوخ وتيجي وتحسبني اانى انا من الناس الى بتلاقيهم ورا الأمام .
بس انا بقولهالك ورزقي على الله خليك متفائل .
نسيت اعرفك بنفسي : احمد العسيلي

شكرا على النصايح والمنتدى بجد الحمد لله احسن من منتديات تانيه كتير حتى المخالفات اللى بتحصل مخالفات بسيطه ممكن تتلحق لكن الحمد لله مش مخالفات زى اللى انتا بتقول عليها وكمان معظم الاعضاء بصراحه محترمين جدا

اهلا بيك فى المنتدى اولا
ثانيا نشكرك عالنصايح دى
بجد يعنى الاداره بتاعتنا ما شاء الله عليهم بيتقوا الله فى كل حاجه
واحنا كاعضاء ومشرفين راضيين بالحاجات اللى مانعها ومش موجوده عندنا بس كده احسن كتير
وانا راى من راى العسيلى اليوزر بتاعك حاول تغيره لا ن ربنا كرم الانسان يارب تكون فاهمنى

وللاسف فى منتديات كتير فاتحه كل حاجه عالبحرى
والحمد لله هنا فى المنتدى الرائع ده مش كده خالص

وفى نفس الوقت الاداره بتحترم رأى كل عضو ومشرف وبنحس اننا اسره واحده

تسلم لنصايح جعله الله فى ميزان حسناتك

أولاً أهلاً بحضرتك أخ لينا كلنا يا أستاذ هشام

وأنت والله قولت كلام كتير كان نفسي أقوله

للأسف هنا بردوا أحنا بنعاني من بعض المشاكل اللي أنت أكلمت عليها

ممكن كلامي يكون صادم لبعض الأعضاء بس أنا من مكاني وموقعي في المنتدى أقولك أن أحنا لسه عندنا تجاوزات
وعندنا ناس من اللي أنت قولت عليها بس لغاية دلوقتي الغالبية كويسين
وأتمنى أنهم ميكنوش بيمثلوا زي ما أنت بتقول بس كل واحد عارف نفسة وعارف هو بيعمل أيه
بس اللي أنا أتأكدت منه 1000000 % أن في ناس بتمثل ومش هقدر أعلن عنهم بس بإذن الله لو مرجعوش عن اللي في دماغهم
مقدمناش خيار تاني

وأنا حاسس بمدى يأسك وزهقك من اللي حصل معاك بس أنا اليومين دول زهقان جداً
وأتخنقت من أن حد يستذكى عليك ويفتكرك نايم

والحمد لله أن أحنا فهمنا ده بدري وبأذن الله الناس اللي حبت تخرج عن المألوف خلال إنشغالنا بالأمتحانات

وعد مني أنا وإدارة المنتدى هنعمل أي شئ نرجع بيه الأنضباط تاني للمنتدى وأكتر من الأول
وخسارة قريبة ولا مكسب بعيد

شكراً ليك يا أخ هشام وأتمنى أنك تكون عضو دائم عندنا
وشكراً على نصايحك الغالية وأرى والله أن الموضوع يستحق التثبيت
بس إن شاء الله هيتم نقلة من المدرج العام ويتم نقلة لقسم فضفضة

جزاك الله كل خير

  موضوع المنتدى الكاتب Stats آخر مشاركة


  • منتدى جامعة حلوان
  • ساحه حلوان العامة
  • افتح قلبك لينا

    • سياسة الخصوصية لمنتدى جامعة حلوان

    اضغط على رقم 1 لمتابعة الموضوع