فكره القسم

بسم الله الرحمن الرحيم

السلام عليكم ورحمة الله وبركاته

طبعاً أحنا الموقع يعتبر لسه جديد بس أحنا قدام أووووووووي على النت يعني لازم نبقى متميزين عن أي حد تاني
وإنجازات موقعنا القديم لازم تفضل مستمرة هنا في حلوان توداي
قعدت أفكر وقولت لازم يبقى عندنا حاجة محدش عملها قبل كده هي يا أيه يا فوكس هي أيه يا فوكس

أيوة هي دي !

قسم أمتحانات السنين السابقة !

صاحبنا : أيه يا حج أنت بتقول أيه سنين سابقة أيه بس لما نشوف الأمتحانات اللي جاية دي شكلها سنه مش معدية

فوكس : لأ يا عم خير إن شاء الله هتعدي وتبقى أخر لوز

صاحبنا : وده يطلع أيه بقى قسم الأمتحانات ده ؟

فوكس : أقولك أنا القسم ده هيكون فيه أمتحانات السنين اللي فاتت وده مهم جداً

صاحبنا : ومهم فأيه بقى ؟

فوكس : أحنا طبعاً لما بنضغط ضغطه سوده قبل الأمتحان بنبقى نفسنا نعرف الدكتور ده دماغة ماشية أزاي وأيه شكل الأسئلة وأيه اللي جه السنه اللي فاتت واللي قبلها وأيه أكتر حاجة الدكتور ده بيجيبها فلما يبقى عندنا الأمتحانات بتاعت قبل كده هنعرف كل ده

صاحبنا : أه والله فكرة حلوة بس هنجيب الأمتحانات دي منين يا أبو فوكس ؟

فوكس : طبعاً من حبايبناً الأعضاء وهما طبعاً عمرهم ما أتأخروا في أي حاجة فيها مساعده وده شوفناه كتيييييييييييير في أقسام الجداول وأفتكر الحكاية مبقتش صعبة أن حد يرفع صورة الأمتحان على المنتدى خاصأً بعد دخول الموبايل أبو كاميرا البيوت
وحتى اللي معندوش موبايل بكاميرا ممكن يكتب لنا الأسئلة

صاحبنا : والله يا بني كلام زي الفل ده أنا قبل الأمتحان ببقى قاعد بشد فشعري وأقعد أتصل بأصحابي اللي سابقني وأسألهم السنه بتاعتكو الدكتور جاب أيه بس تفتكر الأعضاء لسه معاهم الورق

فوكس : بنسبة 90% لسه معاهم الورق لأن في ناس كتير بتحب تحتفظ بالحاجات دي