نتيجة الشهاده الابتدائية 2012******صور مطابخ 2012*نتيجة الشهادة الاعدادية


*نتيجة الشهادة الاعدادية 2012


ضع علامة (صح) او(خطأ) مع التعليل


السلام عليكم ورحمه الله وبركاته

فكره عجبتنى شويتين

الفكره

عباره عن مجموعه من العبارات هكتبها
والمطلوب منكم انكم توقوا موافقين عليها او لا وتقولوا ليه

العبارات

ممكن تكون حكم - جمل من تاليفى - عبارات فى السياسه او اجتماع - حاجات نفسيه - كوره - اقتصاد .............الخ

انى توبيك ذات يو اميجن


نبدا بكتابه العبارات




* المرأه دمعه والرجل ارق من تلك الدمعه لكن خلف اسوره وحصون ( )


* الحزن بالدنيا اكثر من الفرح ( )


* الجمال للبنت اهم من الشهاده ( )


* الضحك احلى شي بالدنيا ( )


* الفلوس تقدر تجيب كل شي ( )


* الحياه من غير حب احلى ( )


* الدنيا حلوة ( )


* الخيانه طبع متأصل في الرجل ( )


* الحب مثل النبات يذبل ويموت ( )


* المرآه المطلقه اكيد فيها عله ( )


* اذا اخطأ الرجل قالو ما احمقه واذا اخطأت المرأه قالو ما احمق النساء ( )


كل واحد يبص فى ورقته
ومش عايزين غش من ردود الباقى احنا فى رمضان ها;)
لو عجبكم التوبيك ولاقينا تفاعل
ممكن نعمله اجزاء ومتجدد على طووول

منتظر ردودكممم



ايوة كده فين الافكار المدفونة دى هيتثبت التوبك وبجد فكرة حلوة اجيب الاستيكى بقا واجى اجاوب

* المرأه دمعه والرجل ارق من تلك الدمعه لكن خلف اسوره وحصون ( )
نوووووووووو لا اوافق الرجل المفروض انه خشن مش رقيق خالص لما هو يبقى رقيق امال البنات بقا تبقى ايه مشاعر الولد يمكن اقل شوية من البنات عشان كده ما ينفعش انه يبقى ارق منها لو بقا كده هيبقى توتى خالص متهيقلى

* الحزن بالدنيا اكثر من الفرح ( )
برضه لا اوافق الدنيا فيها الفرح وفيها الحزن واحنا اللى بنختار نملى حياتنا بايه
يمكن بتكون حزينة لما بنعقد الامور ونبعد عن الصح ونقرب من الغلط لما بنبعد عن دينا وقيمنا اكيد لازم تبقى حزينة
لما ننشغل باللى حوالينا وعايزين نغير ما حولنا لكن مش عايزين نبص لنفسنا والا عيوبنا ونحاول نغيرها
لما بتزيد الصفات الوحشة عن الحلوة جريا وراء شهواتنا


* الجمال للبنت اهم من الشهاده ( )
ههههههههههههه اه فى بنات كده بس انا من رايى
ان الاخلاق اهم من الشهادة ويا سلام لو اجتمعوا الاتنين مع بعض

* الضحك احلى شي بالدنيا ( )
اوافق يا سيادة الرئيس ده كمان بيخلى الجسم فريش كده ومش بيخلى الواحد يعجز

* الفلوس تقدر تجيب كل شي ( )
لا والله انا سمعت جملة فى مسلسل عجبتنى اوى عن الموضوع ده كان بيقولها شريف سلامة
كان بيقول بالفلوس تقدر تشترى السرير لكن ما تقدرش تشترى النوم بالفلوس تقدر تشترى الدواء لكن ما تقدرش تشترى الشفاء .. الخ

* الحياه من غير حب احلى ( )
لا الحب احساس جميل ومش شرط الحب بين الولد والبنت بس الحب عموما بس شرط يكون حبا صادق وخالص مش حب لهدف

* الدنيا حلوة ( )

ايون بس نفهمها ونعرف نعيشها ومش نضيعها من ايدنا
* الخيانه طبع متأصل في الرجل ( )
لا حرام ما نظلمش حد اى صفة مش مقترنة بجنس فكل جنس فى الحلو والوحش

* الحب مثل النبات يذبل ويموت ( )
اينعم لو ما حافظناش عليه

* المرآه المطلقه اكيد فيها عله ( )
لا مش شرط يمكن ما تفهموش ماعرفوش يعيشوا مع بعض يبقى هى ايه العلة اللى فيها

* اذا اخطأ الرجل قالو ما احمقه واذا اخطأت المرأه قالو ما احمق النساء ( )
ديما مظلومين كده هههههههههههههههههههههههههههههههه

بجد جميل اوى الموضوع تسلم افكارك

[/quote]السلام عليكم ورحمه الله وبركاته

وعليكم السلام ورحمه الله وبركاته

فكره عجبتنى شويتين

ماشى يا سيدى لما نشوف اخرتها معاك ايه :)

الفكره

ايوووووون

عباره عن مجموعه من العبارات هكتبها
والمطلوب منكم انكم توقوا موافقين عليها او لا وتقولوا ليه
لما نشوووف


العبارات

ممكن تكون حكم - جمل من تاليفى - عبارات فى السياسه او اجتماع - حاجات نفسيه - كوره - اقتصاد .............الخ

من تاليفك طب ربنا يستر بقى هههههههه

انى توبيك ذات يو اميجن
وااااااااااااااات

نبدا بكتابه العبارات




* المرأه دمعه والرجل ارق من تلك الدمعه لكن خلف اسوره وحصون ( )
مش فاهمه وجهه نظر سيادتك ههههههههه مش موافقه طبعا
يعنى ايه الرجل ارق من الدمعه
لا مش عجبانى الحته دى ههههههههههه

* الحزن بالدنيا اكثر من الفرح ( )
اعتقد كده ومعرفش ليه دايما تلاقيك زعلان
وكل ما تسال اللى حواليك تلاقيهم برضه مش مباسيط هما كمان
بس دايما الواحد عنده امل ان الجاى احسن ان شاء الله


* الجمال للبنت اهم من الشهاده ( )

ههههههههههههه
اى بنت بتحب تكون حلوه يعنى
بس طبعا مش اهم من الشهاده
وعلى فكره بنات كتير اوى اليومين دول بيهتموا
انهم يكون معاهم شهاده كويسه
كمان زى ما البنت لازم تهتم انها تكون حلوه
لازم تهتم تكون شخصيتها كمان حلوه


* الضحك احلى شي بالدنيا ( )

اكيد
انت كده بتتكلم صح :)


* الفلوس تقدر تجيب كل شي ( )
لا للاسف مش كل شئ ممكن تجيبه بالفلوس
بدليل ان كتير معاهم فلوس لكن مش مبسوطين
او مرتاحين
بس ده ميمنعش انها وسيله مهمه
لكن للاسف متقدرش تشترى كل حاجه

* الحياه من غير حب احلى ( )
على راى نجاه لا العاشق مرتاح ولا الخالى مرتاح
خلينا من السكه دى على البر مراكبيه :)
فعلا محدش بقى عاجبه حاجه اليومين دول
بس اعتقد مفيش حياه هتبقى حلوه من غير حب
حتى لو الحب ده مش موجود كفايه انك لو حسيت انه ممكن يجى فى اى وقت
ده بيخلى الدنيا حلوه

* الدنيا حلوة ( )
والله مبقاش فيه حاجه مضمونه اليومين دول
والدنيا دى ساعه تروح وساعه تيجى
ومغلبانا معاها ههههههههههه

* الخيانه طبع متأصل في الرجل ( )
عمرى مااقتنعت ان فيه قاعده عامه
فى الامور دى
زى ما موجود الخيانه فى ناس مخلصين
وكويسين


* الحب مثل النبات يذبل ويموت ( )
ده لو ملاقاش حد يهتم بيه او يخليه يستمر

* المرآه المطلقه اكيد فيها عله ( )
غلط طبعا وليه ميكونش الراجل هو اللى فيه العله


* اذا اخطأ الرجل قالو ما احمقه واذا اخطأت المرأه قالو ما احمق النساء ( )
برضه التعميم
دايما الستات مظلومين

كل واحد يبص فى ورقته
ومش عايزين غش من ردود الباقى احنا فى رمضان ها;)
لو عجبكم التوبيك ولاقينا تفاعل
ممكن نعمله اجزاء ومتجدد على طووول

ههههههههه
ادينا اول واحده ارد اهو
محدش يغش منى بقى :)

منتظر ردودكممم
ادينا ردينا اهو :)
[quote]

طلعت التانيه
يلا مش مشكله
بس الحمدلله مفيش غش :)

وعليكم السلام ورحمة الله وبركاته :
عجبتنى جداً الفكرة دى ،،
نبدأ بالإجابة ومن غير غش والله :)



* المرأه دمعه والرجل ارق من تلك الدمعه لكن خلف اسوره وحصون ( )
خطأ : أيوة الرجل رقيق ولكن ليس أرق من المرأه وليس ذلك لأننى إمرأه .. وفعلاً الرجل رقيق ولكننننننننن خلف أسواااااااار وحصون ، وده مش بيظهر غير فى أوقات قليييييييييييلة جداً جداً

* الحزن بالدنيا اكثر من الفرح ( )
لم أعرف : كنت أعتقد كامل الأعتقاد بأن إحنا اللى ممكن نخلى الدنيا لينا فرحه أو دمعة وحزن ، ولكن فى وقتنا هذا لم أعد أعرف فلم أعد أنظر لشىء إلا وأرى دموع العين عليه تسيل

* الجمال للبنت اهم من الشهاده ( )
خطأ : لو تقصد شهاة التعليم أكيد يبقى كلام خطأ لان الأدب والأخلاق والتفتح والعلام وبناء الشخصية الفاضله المربيه هم أهم بكثيييييييير من جمال الدنيا ، دول اللى بيخلقوا جمال حقيقى وليس جمال صورى
يااااااااااااااااارب إكرمنى بتحقيق حلمى فى بناء الجمال الحقيقى لا الظاهرى فقط

* الضحك احلى شي بالدنيا ( )
صح : أنا بحس إنى لما بضحك من قلبى الدنيا حوليا بتضحك ، البسمه أجمل حاجه بجد وإحساسها جميل جدا للى يحسها
وبموووووووووووووووت فى بسمة الطفل وضحكته

* الفلوس تقدر تجيب كل شي ( )
خطأ : وسيلة ممكن تعين على حاجات كتير ومش ينفع نعيش من غيرها خالص ، لكن مش بتجيب كل حاجه ولا ينفع تكون كل حياتنا جمعها
اللهم لا تجعل جمع الأموال من مشاغلنا ولا همومنا

* الحياه من غير حب احلى ( )
خطأأأأأأأأ : لو الحب من حياتنا وقلوبنا راح يبقى مفيش حياة أصلاً ، وأهمهم حب الله علشان نحس بحب كل حاجه
لازم نتعلم نحب علشان لو عرفنا نحب صح هنشوف إزاى هتكون حياتنا ليها طعم تانى خاااااااااااالص

* الدنيا حلوة ( )
صح : للى يعرف يخلي دنيته حلوه .. هتبقى حلوة وجميلة ويحس بكل لحظاتها بحبها الحمد لله

* الخيانه طبع متأصل في الرجل ( )
خطأ : الرجل ليس خائناً .. من تجيد كيفية التعامل معه سترى وتشعر بأجمل مافى الكون ولم ترى للخيانة وجود


* الحب مثل النبات يذبل ويموت ( )
خطأ : الحب الحقيقى النابع من القلب لا يموت مهما طال العمر بل يبقى ويظل بعد موت صاحبه أيضاً

* المرآه المطلقه اكيد فيها عله ( )
خطأ : ليس شرط أن يكون الطلاق لعلة بالمرأه ، ممكن يكون لأسباب كتيييييييييير جداً غير السبب ده

* اذا اخطأ الرجل قالو ما احمقه واذا اخطأت المرأه قالو ما احمق النساء ( )
خطأ : لان دى مش قاعده عامة ده بيختلف حسب عقلية اللى بيحكم .. فلو اللى بيحكم حد بيفهم مش هيقول ما احمق النساء عندما تخطأ احدهم

وفى النهاية أحب أءكد إنى دى أرائى الشخصية ولم أعمم أي منها على أحد ، فهى فقط أرائى ،
وشكراً ( شريف ) على الموضوع ربنا يكرمك ،،
وأرجو القبــــــــــــول :
:) نـــــــــــــــــــــــــــور الإســـــــــــــــــــــــــــلام :)

  موضوع المنتدى الكاتب Stats آخر مشاركة


  • منتدى جامعة حلوان
  • ساحه حلوان العامة
  • المدرج العام

    • سياسة الخصوصية لمنتدى جامعة حلوان

    اضغط على رقم 1 لمتابعة الموضوع