تعالوا نسيب قلوبنا لربنا

السلام عليكم
كل عام و أنتم بكل خير و صحة و سعادة
كل رمضان و إنتم قريبين من ربنا أكتر


كلنا عاوزين نحس ان إحساس القرب من ربنا
الله
إحساس حلو أوى
تخيل أما تحس إنك قريب أوى من ربنا و إن ربنا معاك و هو كمان قريب منك
أما توصل لدرجة إنك مش بيهمك حد غير ربنا
مش عايز غير ربنا
مش عايز حد يرضى عنك غير ربنا


الله
يارب نوصل للدرجة دى
إحنا لو وصلنا لها
و لا هيهمنا أى حاجة فى الدنيا و لا مال و لا ناس و لا سلطة و لا منصب

سامع الرسول لما قال صلى الله عليه وسلم يارب إن لم يكن بك على غضب فلا أبالى
سامعه و هو فى عز شدته والناس كلها ضده ملقاش جمبه غير ربنا
وقف و قاله :
اللهم انى اشكو إليك ضعف قوتى و قلة حيلتى و هوانى على الناس ، انت رب المستضعفين وانت ربى لا اله الا انت ، إلى من تكلنى ؟
إلى بعيد يتجهمنى ، أو إلى عدو ملكته أمرى ، اللهم ان لم يكن بك على غضب فلا أبالى .

تعالوا نسيب بقى الدنيا دى بشهواتها بمتعها و نروح لربنا ، نعيش فيها بس يكون قلبنا مع ربنا
هنطمن على قلوبنا و هى معاه ، صح ؟
أكيد مش هتلاقى غيره يحافظ على قلبك و يكفيه من كل شر فى الدنيا ، و مدام سبته معاه يبقى هيكون فى الآخرة من أهل الجنة .

و قلبك هينور و هيبقى جنة و مطمن و مرتاح على طول

و مثل ما قال إبن تيمية :
(( ماذا يصنع أعدائى بى ؟ أنا جنتى و بستانى فى صدرى ، أينما ذهبت فهى معى ، إنما هى كتاب الله وسنة نبيه عليه الصلاة والسلام ، إن قتلونى فقتلى شهادة ، و إن نفونى عن بلدى فنفى سياحة ، و إن سجنونى أنا فى خلوة مع ربى ، إن المحبوس من حبس عن ربه ، و إن الأسير من أسره هواه . ))

يارب كلنا نوصل للدرجة دى
هما وصلوا للدرجة دى ازاى

أكيد سمعوا كلام ربنا
أكيد كانوا بيفكروا فى ربنا كتير زى ما بيفكروا فى امور حياتهم
طب ازاى منفكرش فى ربنا و هوا بإديه زمام الحياة كلها

كانوا بيصلوا ، كانوا بيصوموا ، و كانوا بيعاملوا الناس بما يرضى الله ،
كانوا بيسجدوا لله و بيسبحوه
و كانوا بيتأملوا فى خلق الله و بيتأملوا فى امور الحياة و يشوفوا إزاى ربنا بيدبر و بيرتب كل شىء
و إزاى ربنا بيرزق الطير فى عشه و بيرزق النمل فى جحره
فبيعرفوا إن كله بيدى الله بيده ملكوت السموات و الأرض و هول على كل شىء قدير
تعالوا نعمل زيهم إيه إللى هيمنعنا
و تعالوا ندعى ونقول ياااااااارب قربنا منك