مين هيسبقنى فى رمضان (مخططك فى رمضان)

السلام عليكم ورحمة الله وبركاته
اولا كل سنة وانتم طيبين وربنا يعود عليكم الشهر الكريم بالخير واليمن والبركات ويخرككم منه معتوقين من النار باذن الله
عايزين السنة دى رمضان يبقى مختلف عن كل سنة ونكسب فيه حسانات اكتر واكتر ونتجاوز عن اخطاء كل سنة وهى طبعا المسلسلات والفوازير والبرامج والمسابقات وكل الحاجات اللى بتضيع الوقت فى رمضان دى
عايزين السنة دى نجيب ورقة وقلم كده ونتفق على اننا هنختم القراءان كام مرة
نتفق مع اصحابنا اللى بننزل نصلى معاهم التراويح
المحافظة على الصلاة مش اننا ننما لحد العصر ونقوم نصلى ضهر وعصر او نتسحر ونام ومش نصلى الفجر
عايزين السنة دى بعد الفطار ما نقعدش نجيب فى سيرة الناس ومجالس الانس بتاعتنا اللى بنعملها دى
عايزين بقا نشجع بعض ونغيظ بعض فى التويك هنا عشان كل واحد يتسابق على كسب اكبر قدر من الحسانات واغتنام اوقات رمضان بطريقة احسن وافضل
يلا عايزين نشوف همة ونشاط اعضاء احلى منتدى حلوان توداى
وكل سنة وانتم طيبين
واى حد عنده فكرة جديدة ياريت يدخل ويكتبها عشان كلنا نطبقها وربنا يرضى عننا
كل عام وانتم بخير